العبــاة الرهيفه فـــوق ذيــك الردايـف خلت القلب يرجف غصب ماهو بكيفه
العبــاة الرهيفه فـــوق ذيــك الردايـف
خلت القلب يرجف غصب ماهو بكيفه
من ردى الحظ قلبي طول الايام خايف
خايفٍ والليالي ما تجـي لـه بكيفـه
ما تجي له بكيفه مثل ما كان شايـف
غيب الايام جاله بالحيـاه الكسيفـه
الحياه الكسيفـه والعنـاوالكلايـف
عقب عزه تعرقل بالظـروف الكليفـه
الظروف الكليفه والدمـوع الذرايـف
والسهروالترجي بعـد فرقـا وليفـه
بعد فرقاوليفـه مالقـا لـه ولايـف
غيّم الجو واظلـم بالهمـوم العنيفـه
الهموم العنيفـه بالظلـوع النحايـف
خلّت القلب يرجف بالظلوع النحيفـه
بالظلوع النحيفه عقب يأس وحسايف
وش تفيدالحسايف والقدر حط سيفه
القدر حط سيفه دون زين الوصايـف
حال من دون شوفه ما بقى غيرطيفه
ما بقى غير طيفه داخل القلب طايـف
طيف زين الوصايف والخدود النظيفه
الخدود النظيفـه والثمـان الرهايـف
يوم جيته وجاني بالعبـاة الرهيفـه
العبـاةالرهيفه فوق ذيـك الردايـف
وا عنا قلب اللي ما اهتني في مصيفه